Miturut petungan kalender hijriyyah, tanggal 10 Dzulhijjah tahun 1429, ngepasi tanggal 8 Desember 2008. Nanging, miturut kalender Jawa (Sultan Agungan), tanggal 10 Besar tahun 1941, ngepasi karo tanggal 9 Desember tahun 2008. Mula, upacara Garebeg Besar, Keraton Ngayogyakarta, uga dileksanaake ing dina Selasa 9 Desember 2008.
Gunungan kang sakdurunge dipapanake ana Kagungan Dalem Bangsal Sri Manganti iku diusung abdi dalem lan dikawal prajurit.
Ing sangarepe Pagelaran, para prajurit sing wus tata gelar, paring pakurmatan awit lampahe Gunungan, kanthi sikep pakurmatan lan drel utawa salvo kaping telu.
Dene Gunungan kang dikawal Bregodo Bugis lan Surakarsa terus lumampah mangalor, menggok ngulon ing sakidule ringin sengkeran, nuju Masjid Gedhe. Sak wuse didongaake, Gunungan terus kanggo rayahan. Miturut kandhane para kadang, iku amberkahi.
Langganan:
Posting Komentar (Atom)
Tidak ada komentar:
Posting Komentar