Para anggota Dewan Perwakilan Rakyat Daerah (DPRD) Kota Yogyakarta karo Sekretariat Dewan, isih kukuh arep plesiran kanthi ngadani outbound. Pancen bab iku wus dadi keputusan lan dirancang mateng lan antuk palilah saka Panitia Musyawarah. Nanging kanyata, ora kabeh para “dewaner” (anggota dewan) iku sarujuk.
Apa maneh, sakjroning tahun ini, DPRD Kota Yogyakarta wus ngadani acara outbound nganti kaping pindho, lan saiki arep nggelar acara kang kaping telune.
Para “dewaner” kang ora sarujuk nganggep yen outbound itu luwih akeh hura-hurane katimbang manfaate. Apa maneh, kekarepan outbound supaya para anggota dewan iku lebih becik moral lan mentale, kanyata durung kabukten.
Salah sijine anggota, Chang Wendryanto ngendika yen outbound iku mung ngabul-abul dhuwit lan ora ana tanjane. Mula ora perlu diterusake.
Pamanggihe Cang Wendryanto itu antuk panyengkuyung saka anggota liyane. Malah-malah, sing ora sarujuk uga ngendika yen para anggota dewan itu luwih becik sengkut ngrampungake pagaweyane yaiku bab APBD utawa Anggaran Pendapatan dan Belanja Daerah. Miturut para anggota iku, yen ditinggal outbound dipestheke yen rapunge APBD bakal molor.
Outbound kang dirancang iku migunaake dana saka APBD Kota 2008. Saben nganaake, anggaran kang kudu dibayar gedhene nganti meh 98.000.000 rupiyah.
Langganan:
Posting Komentar (Atom)
Tidak ada komentar:
Posting Komentar