Honor Telung Sasi Pisan Diwenehake, Dipotong 40 Persen

Nasib Guru

Iki panandhange Guru Tidak Tetap utawa GTT sing ana slagorde utawa jajaran Departemen Agama, mligine kang tugas ing Gunungkidul. Honorarium utawa kekucahe para guru itu, disuthet dening Kantor Departemen Agama Kabupaten Gunungkidul kang akehe nganti 400.000 ewu rupiyah, utawa nyandhak 40 persen saka kang kudune ditampa.
Para guru itu, ngandharake lara atine liwat sms – serat migunaaken seluler – kang mligi digunaake kanggo nampa masukan saka masyarakat duweke Kantor Informasi dan Komunikasi Pemerintah Kabupaten Gunungkidul.
Para guru iku ngendika yen kekucah awujud dhuwit kang gedhene 1.200.000 rupiyah, mung ditampakake 800.000 rupiyah utawa digraji dening staf Kantor Departemen Agama Kabupaten Gunungkidul gedhene 400.000 rupiyah.
Para guru itu, saben telung wulan sepisan nampa kekucah kasebut kanthi petungan 400.000 rupiyah saben sasi.
Pengawas Sekolah Dasar/Madrasah Ibtidaiyah Kantor Departemen Agama Kabupaten Gunungkidul Untung Santosa ngendika yen dheweke durung mangerti anane suthetan kasebut. Untung malah ngendika yen dhuwit iku saka anggaran Departemen Agama, utawa saka pusat. Nanging Untung ora ngendika, apa kira-kira sunatan itu uga saka kawicaksanane pusat apa mung kekarepane wong-wong Kantor Departemen Agama Gunungkidul dhewe.